Англиянинг "Ливерпуль" клуби футболчиси Алекс Окслейд-Чемберлен ваниҳоят навбатдаги жароҳатидан фориғ бўлиб, жамоанинг умумий машғулотларига қайтди. Футболчи август ойида тиззасидан жароҳат олганди. Жамоа бош мураббийи Юрген Клопп у ҳақида ўз фикрларини билдирди.
«Унинг сифатини машғулотларда кўриш мумкин. Окслейд барчасини ўзгартирмоқда. Тезлик, техника, икки оёқда ҳам бир хил ўйна, турли хил позияцияларда ҳаракат қилиш ва гол киритишларни ўзгартирмоқда. Қачонки у майдонга тушса, у ҳолда бу биз учун катта фойда бўлади.
Аминманки, у ўзининг юқори сифатли ўйинини намойиш эта олади», – Клоппнинг сўзларидан иқтибос келтирмоқда Irish Times.
Окслейд-Чемберлен ўтган йилги мавсумда "Ливерпул"нинг 43 та учрашувида майдонга тушганди, бироқ, жорий мавсум жароҳат сабабли, бир марта ҳам майдонга тушмади.
