Москванинг «Спартак» клуби бош мураббийи Доменико Тедеско «Сочи» (0:1) клубига қарши ўйинда унга нисбатан бўлган ноўрин муносабат ҳақида фикр билдирди.

«Бундан ҳодиса биринчи марта бўлди. Мен Россияга келганимдан бери бундай муаммога илк маротаба дуч келдим. Бу воқеа умуман футболга тегишли эмас. Сизга шундай муносабатда бўлишса бу ерда яшаш ва ишлаш жуда қийин бўлади.

Танаффус пайтида Россия менинг ватаним эмаслигини, бу ердан тезроқ кетишим керак эканлигини айтишди. Заҳира ҳаками барчасини кўриб турганди.

Европа Чемпионлари Лигасида доирасида мана шундай воқеадан кейин "Истанбул" клуби футболчиларининг майдондан чиқиб кетишганини кўрдик. Заҳира ҳаками билан мана шу ҳақда суҳбатлашдик. Мен ҳар доим шу ҳақда савол бераман ва доим сариқ карточкага раво кўриламан», – деди германиялик мураббийи Sport.24 билан суҳбатда.

Шунингдек, Тедеско "Сочи" футболчилари ўйиндан кейин унинг ёрдамчисини калтаклашгани ҳақида ҳам гапириб ўтди.