Лондоннинг "Челси" клуби собиқ дарвозабони, айни пайтда клубда техник директор бўлиб ишлаётган Петер Чех душанба куни иккинчи Премер-лиганинг доирасида "Тоттенхеэм" клуби ўринбосарлар жамоасига қарши ўйинда майдонга тушади, дея хабар тарқатмоқда The Athletic.
Манбанинг хабарига кўра, мураббийлар штаби шанба куни ёшлар жамоасида асосий дарвозабон Лукас Бергстром ўйнаганлиги ва яна дарвозабон Карло Цигер асосий таркиб билан машғулотда иштирок этаётганлиги сабабли, шу қарор қабул қилинди. Чех асосий таркиб билан машғулот ўтказади, аммо якунда мураббийлар Цигерни эмас, балки Чехни захира жамоасига қўйиб юборишни режалаштиришмоқда.
2019 йил январида фаолиятини якунлаган 38 ёшли Чех мавсум бошланишидан олдин «Челси» таркибида дарвозабон сифатида рўйхатдан ўтказилганди. У сентябр ойидан буён асосий таркиб билан машғулот ўтказмоқда. Шунингдек, Дарвозабон бўш вақтларида "Гилдфорд Феникс" хоккей жамоасида ҳам ўйнайди.
