Италиянинг «Аталанта» клуби бош мураббийи Жан Пьеро Гасперини А Серия доирасида «Фиорентина» (3:0) устидан қўлга киритилган ғалаба ҳақида фикр билдирди.
«ЕЧЛ ўйинлари ҳар ҳафта бўлди, шунинг учун А Сериянинг кўпроқ дам олган клубларига қарши дам олиш кунлари бўлиб ўтадиган ўйинга тайёрланиш осон эмас. Олдимизда турган икки ой мобайнида фақат Италия чемпионатига бор эътиборимизни қаратамиз.
Гомес билан боғлиқ вазият? Сўнгги беш йилда Гомес «Аталанта»нинг энг муҳим футболчиси бўлди, мен бу ҳақда жуда кўп гапирдим, у деярли ҳар доим жамоа билан бирга бўлди. Лекин вазият доим ҳам бир хил бўлмаслигини тушунишимиз керак. «Аталанта»нинг бир нечта ўйинлари қийин бўлди, чунки рақиблар Гомесга ва жамоамизга қарши яхши тайёргарлик кўришди, шунинг учун биз гоҳида ниманидир ўзгартиришимиз керак.
Тушунмовчиликни бартараф этиш учун ишонч ва тинглашга тайёргарлик зарур. Вазият қандай ҳал қилинишини билмайман. Бу кўпроқ Иличични ғазаблантирмоқда, чунки у бу вазиятда ОАВда иштирок этган, гарчи унинг ҳеч қандай алоқаси бўлмаса ҳам», - Гасперинини сўзларидан иқтибос келтирмоқда Football Italia.
