Бугун Ўзбекистон футбол ассоциациясида фахрийлар футболини ривожлантириш бўйича видеоанжуман шаклида йиғилиш бўлиб ўтди.

Унда ЎФА масъул ходимлари, ҳудудий футбол ассоциациялар биринчи вице-президентлари ва Фахрийлар кенгашига номзоди кўрсатилган фахрийлар иштирок этди.

Йиғилиш давомида фахрийлар ўртасида хотира турнирлари ва ички чемпионатларни ташкил этиш, ҳудудлардаги ёрдамга мухтож фахрий футболчиларни аниқлаб ёрдам кўрсатиш ҳамда фахрийлар ўртасидаги ЎФА кубоги ўтказиш формати, минтақавий ва финал босқичига мезбон номини аниқлаш каби масалалар муҳокама этилди.

Шунингдек, ЎФА Фахрийлар кенгаши таркибини янгилаш ва кенгаш фаолияти тўғрисидаги ишлаб чиқилган низом кўриб чиқилди, кенгашга ҳудудлардаги фахрий футболчилар орасидан ҳам номзодлар бўлиши кераклиги алоҳида таъкидланди ҳамда кенгашнинг янги режа ва таклифлари эшитилди.