«Ювентус» бош мураббийи Андреа Пирло А Cериянинг 34-туридан ўрин олган «Удинезе»га (2:1) қарши баҳсдан сўнг ўз фикрлари билан ўртоқлашди.

«Яна ўзимиз учун ўйинни мураккаблаштирдик, лекин охиригача натижага эришишни хоҳладик ва бу – энг муҳими. 

Рақибларнинг натижаларини ҳисобга олган ҳолда ғалаба керак эди. Худди шу руҳда давом этишимиз керак.

Жамоада маълум даражада чарчоқ бор – ҳам жисмоний, ҳам психологик. 

Скудетто учун эмас, Чемпионлар Лигаси Пирйўлланмаси учун курашаётганингизда нимадир ўзгаради. Бу ғайриоддий. Қийинчилик билан бўлса ҳам, мослашишга муваффақ бўлдик.  Энди ЕЧЛга чиқишимиз керак. 

«Интер» ва унинг раҳбариятини ҳақли чемпионлик билан табриклайман. Энди бизда ўзгариш вақти келди – яна чемпион бўлишни хоҳлаймиз. Кетма-кет 9та скудеттодан кейин бир давр тугади, аммо янгиси бошланади. Яна чўққига қайтмоқчимиз», – дея Пирлонинг сўзларини келтиради Sky Sport Italia.