"Интер" ҳимоячиси Ашраф Ҳакими "ПСЖ" клубига ўтишга яқин турибди, деб хабар бермоқда журналист Муҳаммад Бухафси.
Манбанинг хабарига кўра, француз клуби 22 ёшли футболчи билан келишувга эришган. Аввалроқ "ПСЖ" Ҳакимига 8 миллион евро маош билан 2026 йилгача шартнома таклиф қилгани ҳақида хабар берган эдик.
Қайд этилишича, "ПСЖ" ва "Интер" ўртасидаги музокаралар давом этмоқда, томонлар келишувга яқин. Лондоннинг "Челси" клуби ҳам Ҳакими хизматига қизиқиш билдирмоқда.
2020/2021 йилги мавсумда Ҳакими "Интер" таркибида барча турнирларда 45 ўйин ўтказиб, 7та гол урди ва 11та голли пас берди.
Эслатиб ўтамиз, у 2019-йил центябр ойида "Реал"дан 45 миллион евро эвазига "Интер"га кўчиб ўтган эди.
