«Барселона» ва «Ювентус» клублари Гампер кубоги доирасида ўзаро тўқнаш келишди. Учрашув Барселонадаги Йохан Кройф Арена стадионида бўлиб ўтди ва 3:0 ҳисобида каталонияликлар фойдасига якунланди. «Барселона» Гампер кубогини 44 марта қўлга киритди.

Учрашувнинг 3-дақиқасида Мемфис Депай ҳисобни очди. Иккинчи бўлимнинг 57-дақиқасида Мартин Брейтуэйт каталонияликларнинг устунлигини оширди. "Кўк-анорранглилар"нинг учинчи голини Рики Пуч 90+2 дақиқада киритди.

«Ювентус» ҳужумчиси Криштиану Роналду биринчи бўлимни майдонда ўтказди, танаффусдан кейин унинг ўрнига Деян Кулуcевский майдонга тушди.

Жоан Гампер кубоги «Барселона» томонидан ҳар йили ўтказиладиган ўртоқлик турнири ҳисобланади. Турнирнинг биринчи учрашуви 1966 йилда бўлиб ўтган. Охирги марта «Барселона» бу соврин учун баҳсда 2012 йилда ютқазган, ўшанда «Сампдория» 1:0 ҳисобида ғалаба қозонган эди.

Гампер кубоги.
Барселона – Ювентус – 3:0 (1:0)
Голлар: 1:0 – Депай (3), 2:0 – Брэйтуэйт (57), 3:0 – Пуч (92).
«Барселона»: Нето, Дест (Емерсон, 62), Пике, Араухо (Умтити, 62), Жорди Альба (Бальде, 71), Бускетс, Серджи Роберто (Пуч, 71), Демир (Гонсалес, 62), Гризманн (Кольядо, 86), Депай, Брэйтуэйт (Манай, 78).
«Ювентус»: Шченсни (Перин, 46), Де Шильо (де Винтер, 79), де Лигт (Кьеллини, 61), Ругани (Бонуччи, 61), Алекс Сандро (Пеллегрини, 46), Бентанкур (Данило, 46), Рэмзи (Маккенни, 46), Бернардески (Раноккия, 61), Куадрадо (Кьеза, 46), Мората (Маркес, 61), Роналду (Кулусевски, 46).