«Барселона» Испания чемпионатининг 2-тури доирасида Бильбаода «Атлетик» клуби меҳмони бўлиб, дурангга имзо чекди.

Басклар биринчи бўлимда устунликка эга бўлиб, бир нечта вазиятлар яратишди. Жумладан, тўп бир марта Нето қўриқлаётган дарвоза тўсинига тегиб қайтди. Тайм сўнгида эса "Барса" ҳисобни очганди, аммо ҳакам Брэйтуэйт ўйин қоидасини бузди дея ҳисоблаб, голни инобатга олмади.

Иккинчи бўлим бошида "Атлетик" бурчак зарбасидан сўнг ҳисобни очди. Ҳимоячи Иньиго Мертинес бош билан тўпни рақиб дарвозасига жойлади.

Шундан сўнг Куман шогирдларида уйғониш кузатилди ва улар ташаббусни ўз томонларига оғдиришди. Баҳс тугашига 15 дақиқа қолганида Депай чап қанотдан рақиб жарима майдонига кирди ва кучли зарба билан яқин "тўққизлик"ни нишонга олди.

Нидерландиялик форварди "кўк-анорранглилар"га ғалаба келтирувчи гол муаллифига айланиши мумкин эди. Аммо учрашув тугашига 5 дақиқа қолганида Мемфис дарвозабон билан яккама-якка вазиятга чиқиб, аниқ зарба бера олмади.

Ўйинга қўшиб берилган 3-дақиқада эса "Атлетик" ярим ҳимоячиси Нико  Уильямс дарвозабон билан яккама-якка вазиятга қочиб кетди. Эрик Гарсия жарима майдони остонасида унга нисбатан фол ишлатгани учун майдондан четлатилди. Мезбонлар ижросидаги жарима зарбаси жонли деворга тегди.

Шу тариқа, турнинг марказий баҳсида дуранг қайд этилди. "Бильбао"нинг очколарига 2тага етган бўлса, "Барса" 4 очко эгасига айланди.

Испания Ла лигаси, 2-тур
Атлетик – Барселона 1:1 (0:0, 1:1)
Голлар: 1:0 – 50 Мартинес, 1:1 – 75 Депай.
Атлетик – Агирресабала, Лекуэ, Мартинес, Вивиан, Баленсиага, Дани Гарсия (Саррага, 82), Венседор (Весга, 67), Сансет (Рауль Гарсия, 67), Беренгер (Морсильо, 82), Уильямс, Муниаин (Уильямс, 76).
Барселона – Нето, Дест (Эмерсон, 82), Пике (Араухо, 31), Эрик Гарсия, Альба, Бускетс, де Йонг, Педри (Сержи Роберто, 62), Гризманн, Брэйтуэйт (Демир, 62), Депай.
Огоҳлантиришлар: Мартинес (20), Эрик Гарсия (28), Альба (76).
Четлатиш: Эрик Гарсия (90+3).