«Тоттенхем» клубининг ушбу ёзги трансферлар ойнасида амалга оширган ишлари ҳақида тўхталиб ўтамиз.
«Фиорентина» ҳужумчиси Душан Влаҳович. «Тоттенхем» айни пайтда сербиялик ҳужумчи учун курашдан чиққан бўлсада, бир неча ҳафта олдин расмий таклиф юборгган эди. Дастлаб, Влаҳович учун лондонликлар 60 млн евро+бонуслар таклиф қилган бўлса, кейинчалик 70 млн еврони бирданига икки нафар «Фиорентина» ўйинчилари ҳисобланган Влаҳович ва Миленкович учун таклиф қилганди. Ушбу сўровлар Флоренция клубини қониқтирмаган, улар фақатгина Влаҳовичнинг ўзи учун 70 млн евро сўрашганди. Якунда Миленкович Италия кклуби билан шартномасини узайтирди. 21 ёшли сербиялик форвард эса «Фиорентина» билан янги шартнома шартлари билан келиша олмагани учун битимга имзо чекканича йўқ. Аммо, бу ҳозирда «шпорлар» Влаҳович вариантига қизиқмай қўйишган.
Лаутаро Мартинес. «Тоттенхем» ва «Атлетико» аргентиналик ҳужумчининг трансфери учун бонуслар билан 90 млн евро таклиф қилишганди. Аммо, бу таклифларни «Интер» қабул қилмади. Бир неча кун олдин эса 24 ёшли ўйинчининг агенти янги шартнома тафсилотларини муҳокама қилиш мақсадида Италия клуби раҳбарияти билан учрашган.
Маълум бўлишича, "Манчестер Сити" Харри Кейн трансфери учун 75 млн фунт ва бонуслар миқдорида фақат битта таклиф юборган. Умумий сумма 100 млн фунт атрофида бўлган. Хуллас, улар Кейнни Грилишдан арзонроққа баҳолашган. Табиийки, ушбу таклифни Леви рад этган. Энди «шаҳарликлар» нисбатан яхшироқ яна бир таклиф учун тайёргарлик кўришмоқда. Аммо, Телеграпҳ нашрининг ёзишича, Кейннинг ўрнини тўлдириш учун номзод топишга жуда оз вақт қолгани учун эндиликда 150 млн фунт ҳам ўйинчини қўлга киритишга камлик қилиши мумкин.
Испания термаси аъзоси Адама Траоре. Нуну Эшпириту Санту билан «Вулверҳемптон»да бирга ишлаган Траоре учун Лондон клуби жиддий қизиқиш билдирмоқда. Клуб испанияликни 40 млн еврога сотиб олиш ҳуқуқи билан ижарага олиш вариантини таклиф қилганди, лекин «бўрилар» фақатгина тўлиқ трансфер амалга ошишини ва камида 40 млн еврога рози бўлишларини маълум қилишган. Айни вақтда, Траоре тезлиги ва дриблинги эвазига «шпорлар» учун фойдали ўйинчига айлана олади. Тўғри, унда вазиятлардан фойдаланиш бўйича жиддий муаммолар бор, бироқ бу масъулиятни ўз зиммасига оладиган футболчилар клубда топилади.
