«Рома» бош мураббийи Жозе Моуриньо «Верона»га қарши ўйин ҳақида гапирди.

Италия А Сериясининг 4-туридан ўрин олган «Верона» ҳамда «Рома» ўртасидаги ўйин римликларнинг 3:2 ҳисобидаги мағлубияти билан тугади. Бу Моуриньонинг «Рома»га келгандаги илк мағлубияти бўлди.

«Мен рақибнинг кўплаб ижобий фазилатлари борлигини ва улар билан ўйнаш қийинлигини тушундим.

Қолаверса, мураббий ўзгарганидан кейин, одатда, биз кузатган психологик тўлқин бўлади. Игор Тудорнинг ўйин услуби жамоа ўтган мавсумда Иван Юрич бошчилигида ўйнаганига жуда ўхшайди, шунинг учун футболчиларга унга мослашиш қийин бўлмади. Биз жуда кўп ҳаракат қилдик ва мен бундан шикоят қила олмайман. Аммо биз жуда кўп якка курашларда ютқаздик.
"Верона"нинг шиддати кучлироқ эди. Энди нима бўлганини тушуниш учун мен бир неча соат видео томоша қилишим керак», — деди Моуриньо.