Жорий календарь йилида "Милан" Италия А Серияси сафар учрашувларида 17 та ғалабага эришди – бу миллий чемпионат тарихидаги иккинчи энг яхши кўрсаткич.
"Opta" хабарига кўра, "Милан" Италия чемпионати 19-тури доирасида "Эмполи"ни мағлуб этиб, А Серия тарихида бир календарь йилида камида 17 та ғалаба қозонган иккинчи жамоага айланди. Рекорд 2017 йилда "Наполи" томонидан ўрнатилган – 18 ғалаба.
Эслатиб ўтамиз, 22 декабрь куни "Милан" "Эмполи"ни 4:2 ҳисобида мағлуб этганди. Шундан сўнг, Стефано Пиоли шогирдлари 42 очко билан турнир жадвалида иккинчи ўринга кўтарилиб олишди. Пешқадам "Интер"да тўрт очко кўп. Учинчи ўринда "Наполи" – 39 очко.
