Италиянинг "Милан" клуби ҳужумчиси Златан Иброҳимович Европа Чемпионлар Лигасининг "Барселона" клубига қарши кечадиган учрашув борасида фикрларини билдириб ўтди.
"Шубҳасиз бу учрашув жуда қийин кечади. Рақибимиз дунёнинг энг кучли клуби. Каталонияликлар бу жуфтликда фаворит. Лекин "Милан"нинг йўқотадиган нарсаси йўқ. Биз яхши футбол намойиш этишимизга ва учрашув пайтида энг юқори спорт формасига чиқишимизга умид қиляпман. Биз натижа учун дадилроқ ўйнашимиз керак", дейди Иброҳимович.
Эслатиб ўтамиз, Европа чемпионлар Лигасининг чорак финалидан ўрин олган ушбу учрашув 28 март куни "Камп Ноу"да бўлиб ўтади.