УЕФА расмий сайтига интервью берган Жозе Моуриньо АПОЭЛ клуби ҳақида илиқ фикрларни билдириб ўтди:
- Ҳисобни очишимиз учун кўп кутишимизга тўғри келди, - деб гап бошлади португалиялик мураббий, - АПОЭЛ ўйинда ўзининг энг яхши жиҳатларини намойиш қила олди, деб ўйлайман. Тўғри, ушбу жамоада бошқа ЕЧЛ иштирокчилари каби ёрқин юлдузлар йўқ, аммо ўйинни ташкил қилиш борасида кипрликларда муаммо йўқ экан.
Биз фақат ўзимизнинг энг яхши ўйинимизни кўрсатиш орқали керакли натижага эришишимиз мумкин эди. Марсело ва Кака майдонга тушиб, ўйинимизга тетиклик олиб кирди, бу пайтга келиб эса, рақиб ҳимоячи бироз чарчаб қолганди. Биз бугун АПОЭЛ га нисбатан хурмат билан билан ёндошдик, айтишим мумкинки, "Сантьяго Бернабеу"даги ўйинга ҳам жиддий ёндошамиз. Бу клуб - бундай муносабатга арзийдиган клуб. АПОЭЛ - ушбу ЕЧЛ мавсумининг асосий воқеаси.
