"Марсель" бош мураббийи чемпионлар лигаси чорак финалида "Бавария"га қарши ўйинда жамоасини нималар кутаётгани ҳақида гапириб ўтди.
"Биз бор кучимизни ишга солишимиз керак, бундай ўйинларда бу ўз ўзидан содир бўлади. Бу биз учун тарихий воқеа ва буни тушинтиришим учун кўп сўз сарфлашим шартмас, йигитларим ҳаммасини яхши тушуниб туришибди.
"Бавария" ярим финалга чиқиш учун яқинроқ турибди, аммо биз майдонга ўзимизга бўлган ишонч билан чиқишимиз ва дастлабки дақиқадан сўнгги дақиқагача мазмунли ўйнашимиз керак.
Мен йигитларимга 1993 йил худди шу Мюнҳенда шу совринни ютиб олганимни ва улар ҳам ўз тарихларини ажойиб соврин билан безаш имконияти туғилганини айтишим керак", - дея унинг сўзларини келтиради УЕФА расмий сайти.
