Миланнинг “Интер” клуби ўз етакчилари Самир Ханданович ва Иван Перишич билан шартномани узайтирмоқчи. Мазкур футболчилар ва клуб ўртасидаги шартнома мавсум охирида якунига етади. Football Italia нашри хабарига кўра, Милан клуби раҳбарияти тез орада футболчилар билан музокара олиб боришни мўлжалламоқда.
Аввалроқ, Ҳанданович ва Перишич мавсум якунида жамоани тарк этиши мумкинлиги айтилганди. Шунингдек, “нерадзуррилар” бошқа футболчиси Марсело Брозович билан ҳам шартномани узайтириб улгурмаган.
Қайд этиш керакки, жорий мавсумда ҳам “Интер” ўзининг энг яқин таъқибчиси “Милан”ни 5 очкога ортда қолдириб, Италия чемпионатида пешқадамлик қилмоқда.
