“Валенсия”нинг чап қанот ҳимоячиси Хосе Гайя “Барселона”нинг нишонига тушди. Бу ҳақда испан ОАВлари хабар бермоқда.
Гайянинг “Валенсия” билан шартномаси 2023 йилгача амал қилади. Шу билан бирга, футболчи Месталья жамоаси билан ҳамкорликни узайтиришга қарши эмас. Аммо, яхши таклиф тушса, янги клубга ўтиши ҳам эҳтимолдан ҳоли эмас. Аввалроқ, Хосега Мадриднинг “Реал” клуби ҳам қизиқиш билдирганди. “Қаймоқранглилар” ёзда клубни тарк этиши мумкин бўлган Марселога ўринбосар сифатида кўрмоқда.
Гайя жорий мавсумда Ла Лига доирасида 15 та ўйинда майдонга тушди. Унинг ҳисобида 2 та гол ва 3 та голли узатма бор.
