Европа Чемпионлар лигаси чорак финал жавоб учрашувлари доирасида бўлиб ўтган «Челси» – «Бенфика» баҳси лондонликлар яримҳимоячиси Фрэнк Лэмпард учун «Челси» сафидаги 550-ўйин бўлди. Бу ҳақда УЕФА расмий сайти хабар бермоқда.
Икки ўйин натижасига кўра «Челси» «Бенфика»ни 3:1 ҳисобида мағлубиятга учратди ва яримфинал йўлланмасини қўлга киритди. Лэмпард ушбу учрашувларда битта гол уришга муваффақ бўлди.
Эслатиб ўтамиз, Лэмпард 2001 йилги мавсумдан буён «Челси» шарафини ҳимоя қилди. Англия Премьер-лигасининг бу йилги мавсумида 27 ўйинда майдонга тушиб, 10та гол урган бўлса, Чемпионлар лигасида эса 9 ўйинда 3та гол урган.