«Ливерпуль» клуби бош мураббийи Юрген Клоппнинг фикрича, Муҳаммад Салоҳ ва Садио Мане Африка кубоги турниридан сўнг, клуб учун ўйинларда тезда ритмга киришади.

“Бу муаммо бўлади деб ўйламайман. Иккаласи ҳам турнирни муваффақиятли ўтказишади. Мен уларга ёрдам бераман. Улар қайтиб келгач, гаплашамиз ва уларга бирор нарса керакми ёки йўқлигини билиб оламиз. Булар бизнинг йигитлар: биз уларга ҳар қандай вазиятда ёрдам бериш учун ҳамма нарсани қиламиз.

Бу икки йигит ҳақиқий жангчилар. Улар ҳар доим тайёр. Улар байрам ёки дам олиш кунлари ҳақида қайғурмайдилар. Уларнинг бу ҳақда сўрашини ҳеч қачон эшитмаганман. Шундай сабабли, улар билан ишлаш жуда осон.

Биламан, улар ўйнашни хоҳлашади, лекин шу билан бирга, бу қанчалик мантиқий эканини аниқлашимиз керак. Тасаввур қилишингиз мумкинки, иккаласи ҳам «Лестер»га қарши ўйнашни хоҳлайди, иккаласи ҳам «Ливерпул»да гол уришни ва ғалаба қозонишни хоҳлайди”, деди немис мутахассиси.

Африка Африка кубоги финалида Миср терма жамоаси Сенегал термасига қарши майдонга тушади.