«ПСЖ» ҳужумчиси Килиан Мбаппе «Барселона»нинг шартнома ҳақидаги таклифини кўриб чиқишга қарши эмас, деб ёзади L'Equipe.
Манбага кўра, франциялик футболчини каталонияликлар лойиҳаси қизиқтиради, аммо бари-бир «Реал Мадрид» Мбаппе учун ҳамон устувор вариант бўлиб қолади.
Хабар қилинишича, каталонияликлар 23 ёшли футболчини Эрлин Холандга муқобил ўринбосар сифатида кўрмоқда. «Кўк-анорранглилар» норвегиялик футболчини ёзда сотиб олишга ҳаракат қилишади. Агар, бу амалга ошмаса, Килианга таклиф жўнатмоқчи.
Мбаппенинг «ПСЖ» билан шартномаси 2022 йилнинг ёзида тугайди ва футболчи эркин агент сифатида испан клубларига ўтиши мумкин бўлади.
