«Барселона» вакиллари «Бавария» ҳужумчиси Роберт Левандовскининг агенти Пини Захави билан учрашди, деб хабар беради Diario Sport.
Манбага кўра, ўтган учрашув ижобий натижа билан якунланган. Асосий жиҳат Каталония клуби президенти Жоан Лапорта ва 33 ёшли польякнинг агенти ўртасидаги яхши муносабатлар эди.
Қайд этилишича, ҳужумчи «Барселона»га ўтмоқчи, чунки у Германиядаги фаолиятининг босқичи тугаган деб ҳисобламоқда.
Шу билан бирга, Левандовски каталонияликлардан 3 йиллик шартнома олмоқчи. Бироқ клуб раҳбарияти бундай шартномага рози бўлмоқчи эмас.
Левандовски ушбу мавсумда «Бавария» сафида барча турнирларда 39 ўйинда 45 та гол урди. Ҳужумчининг Мюнхен клуби билан шартномаси 2023 йилнинг 30 июнига қадар мўлжалланган.
