Туриннинг «Ювентус» клубига Англиянинг «Лестер» ва Бельгия терма жамоаси ярим ҳимоячиси Юри Тилемансга қизиқиш билдирмоқда.
«Кекса Синьора» скаутлари «Лестер»нинг «Кристал Пэлас» жамоасига қарши (2:1) яқинда бўлиб ўтган АПЛ доирасидаги ўйинига ташриф буюриб, «тулкилар»нинг 24 ёшли ярим ҳимоячиси Юри Тилеманснинг имкониятларини ўрганишди. Бу ҳақда Tuttosport нашри хабар бермоқда.
ОАВ хабарига кўра, бельгиялик футболчи учун Англиянинг «Арсенал» ва «Манчестер Юнайтед» жамоалари ҳам қизиқиш билдиришаётганди. Шунингдек, унга «Реал» ҳам кўз тиккан. Эҳтимолий трансфер нархи 30 миллион еврога баҳоланмоқда.
Юри Тилеманснинг «Лестер» билан шартномаси келаси йил ёзида тугайди. Жорий мавсумда футболчи 39 та учрашувда 7 та гол урди ва 3 та голли узатмани амалга оширди.
