«Бавария»нинг супер юлдузи Роберт Левандовскининг немис клубини тарк этиши ҳақидаги хабарлар тарқалишда давом этмоқда.

Инсайдер Фабрицио Романонинг тасдиқлаганидек, клуб ва футболчи ўртасидаги янги шартнома бўйича музокаралар муваффақиятли бўлмади, чунки «Бавария» Левандовскининг узоқ муддатли шартнома бўйича талабларини бажаришни истамаяпти.

Аввалроқ, ҳужумчига «Барселона» ҳам катта қизиқиш билдираётгани ҳақида хабар берилганди.

Сўнгги маълумотларга кўра, каталонияликлар клуби польшалик ҳужумчининг трансфери учун «Бавария»га 25 миллион евро таклиф қилган. Бироқ немислар бунга рад жавобини бериб, 60 млн талаб қилди.

Хабар қилинишича, каталонияликлар бундай суммани тўламоқчи эмас ва ҳужумчидан трансфер нархини пасайтириш учун «Бавария» раҳбарларига «босим» ўтказишни сўраган.