"Бавария" раҳбарияти ўз ярим ҳимоячиси Гнабрига шартномани узайтириш таклифини киритди.

Янги келишувга кўра, футболчи йилига 17 миллиондан 19 миллион еврогача маош олади. Катта эҳтимол билан бу Мюнхен клубининг сўнгги таклифи.

Бироқ, футболчи ўзини клубдаги энг яхши футболчилар даражасидаги маошга лойиқ деб ҳисоблаб, шартномани узайтиришга шошилмаяпти. Агар музокаралар натижа бермаса, Гнабри 2023 йилда жамоани текинга тарк этиши кутилмоқда, деб хабар бермоқда Bild нашри.

Гнабри жорий мавсум Бундеслигада 31 та ўйин ўтказиб, 13 та гол урди ва 5 та голли узатмани амалга оширди.