Хабарингиз бор, жорий йил 2-10 май кунлари Гресиянинг Ираклион шаҳрида оғир атлетика бўйича ёшлар ўртасида Жаҳон чемпионати бўлиб ўтди.

Ушбу мусобақада дунёнинг 61та давлатидан жами 304 нафар спортчи ғолиблик учун баҳс олиб боришди. Мусобақанинг якуний натижаларига кўра, Ўзбекистон терма жамоаси жами 12та медалга сазовор бўлди, шундан 5 таси олтин, 5 таси кумуш ва 2 таси бронза медалларидир.

Жаҳон чемпионатида Ўзбекистон шарафини 6 нафар спортчи ҳимоя қилди ва улар қуйидаги натижаларни қайд этишди:

Панфилова Жамила (-55 кг вазн тоифасида) – 2та бронза;

Олимов Хожиакбар (-89 кг) – 1та кумуш;

Жабборова Турсуной (-87 кг) – 3та олтин;

Амриддинов Шарофиддин (-102 кг) – 2та олтин, 1та кумуш;

Мирзабаев Мирҳосил (+109 кг) – 3та кумуш медаль.

Эришилган натижалар вакилларимизга умумжамоа ҳисобида фахрли 3-ўринни қўлга киритиш имконини тақдим этди. Биздан яхшироқ натижага Туркия (7та олтин, 5та кумуш, 7та бронза, жами 19 медаль билан 1-ўрин) ҳамда Индонезия (6-0-1, жами 7 медаль билан 2-ўрин) терма жамоалари эришди.

Шунингдек, кучли бешликдан Арманистон (5-4-5, жами 14та медаль) ва Украина (5-3-5, жами 13та медаль) терма жамоалари жой олишди.

Маълумот учун: Жаҳон чемпионатида юқори натижаларни қайд этишган Ўзбекистон спорт делегасияси аъзолари 11 майдан 12 майга ўтар кечаси, тунги соат 01:05да юртимизга қайтиб келишади.