"Манчестер Юнайтед" билан шартномасини тугатаётган франциялик ярим ҳимоячи Поль Погбанинг олдида иккита аниқ варианти бор.
Инсайдер Фабрицио Романонинг хабар беришича, футболчининг агенти Туриннинг “Ювентус” ва “ПСЖ” клублари билан музокаралар олиб бормоқда. Айнан шу икки клуб ўртасида ярим ҳимоячи учун кураш шу ёзда бошланади.
Погба мавсум охирида эркин агентга айланади. Футболчи манкунианликлар билан шартномани узайтирмайди ва янги чақирув олишни истайди.
Жорий мавсумда Поль клуб миқёсида 27 та ўйинда майдонга тушиб, 1 та гол ва 9 та голли узатмани амалга оширди.
