"Атлетико" спорт директори Андреа Бертанинг айтишича, клуб мухлислари яқин орада юқори даражадаги харидларни кутмасликлари керак.
“Катта трансферларни амалга оширадиган йиллар ортда қолди. Таркибимиздаги мавжуд ва ўсиши мумкин бўлган футболчилар билан ишлашни давом эттириш биз учун муҳим бўлади. Бозор янада очиқ бўлгунча кутишимиз керак” - деди Берта Calciomercato нашрига берган интервюсида.
Аввалроқ, “Атлетико” ҳимоячи Киран Триппьер билан хайрлашишига тўғри келганди. Луис Суарес ва Эктор Эррера ёзда жамоани тарк этишади.
Бироқ, мадридликлар бу мавсумда Чемпионлар Лигасига бериладиган йўлланмани қўлга киритишди. "Атлетико" Ла Лига якунига бир тур қолганида учинчи ўринда бормоқда.
