"Ювентус"да ижара асосида ўйнаётган Мадриднинг "Атлетико" клуби ҳужумчиси Алваро Мората фаолиятини Турин клубида якунламоқчи. Бу ҳақда La Gazzetta dello Sport. хабар тарқатмоқда.

Манбага кўра, Турин клуби бош мураббийи Массимилиано Аллегри ҳам 29 ёшли испаниялик футболчини ўз жамоаси сафида сақлаб қолишни афзал кўрмоқда.

Эслатиб ўтамиз, "Ювентус" ҳужумчини икки йил аввал ижарага олганди. Клублар ўртасидаги келишув 35 миллион еврога сотиб олиш вариантини ўз ичига олган. Бироқ Турин клуби раҳбарияти трансфер стратегиясини ўзгартирди ва Мората учун бунчалик катта пул тўлашга тайёр эмас.

Қайд этилишича, Мадрид клуби жиддий имтиёзлар бермоқчи ва испанияликни 15 миллион евро ва бонуслар эвазига сотишга рози.

2021/22 йилги мавсумда Мората туринликлар сафида 48 та ўйинда майдонга тушиб, 12 та гол урди ва 9 та голли узатмани амалга оширди.