"Манчестер Юнайтед" "Ювентус" ҳимоячиси Маттейс де Лигт учун курашга қўшилди. Манкунианликларнинг янги бош мураббийи Эрик тен Хаг футболчининг трансферини талаб қилмоқда, деб хабар беради Tuttosport.
Олдинроқ ҳимоячи фаолиятини "Челси"да давом эттириши мумкинлиги ҳақида хабарлар тарқалган эди.
Шунингдек, “Юве” 22 ёшли нидерландиялик футболчига шартномани узайтиришни таклиф қилмоқда. 2026 йилнинг ёзига қадар шартнома тузиш бўйича музокаралар олиб борилмоқда.
2021/22 йилги мавсумда де Лигт “Ювентус” сафида барча турнирлар доирасида 42 та ўйинда майдонга тушиб, 3 та гол урди ва битта голли узатмани амалга оширди. Футболчининг амалдаги шартномаси 2024 йилнинг ёзига қадар тузилган.