Англия терма жамоасининг собиқ ҳужумчиси Гари Линекер норвегиялик ҳужумчи Эрлинг Холанднинг Дортмунднинг "Боруссия"сидан "Манчестер Сити"га ўтишига муносабат билдирди.
“Трансфер расман тасдиқланди. Бу Англия Премьер-лигаси учун тарихий лаҳза. Ниҳоят, ёш суперюлдуз Испания гигантлари ўрнига Премьер-лига клубига ўтади", - дейилади мутахассиснинг ижтимоий тармоқлардаги хабарида.
21 ёшли скандинавиялик тўпурарнинг трансфери "шаҳарликлар" раҳбариятига 75 миллион еврога тушди. Холанд билан 2027 йилнинг ўрталарига қадар амал қиладиган узоқ муддатли шартнома имзоланди.
