"ПСЖ" ва Аргентина терма жамоаси марказий ярим ҳимоячиси Леандро Паредес "Ювентус"га ўтишга яқин турибди.
Sportitalia хабарига кўра, Турин клуби 27 ёшли ярим ҳимоячининг трансфери устида бир ойдан кўпроқ вақт давомида ишламоқда ва шу ёзда сотиб олиш мажбурияти билан "Эвертон"дан ижарага олинган ҳужумчи Мойсе Кинни шартномага қўшишга тайёр.
Кин ўтган мавсумда "Ювентус" сафида барча турнирлар доирасида 42 та ўйинда майдонга тушиб, 6 та гол ва 3 та голли узатмага муаллифлик қилган. Паредес Лига 1нинг 15 та ўйинида 1 та гол ва 2 та голли узатмани амалга оширган.
