"Бавария" спорт директори Ҳасан Салиҳамиджич 11 июль, душанба куни Туринга учиб, "Ювентус" ҳимоячиси Маттейс де Лигтнинг трансфери борасида музокараларни бошлайди, деб хабар беради Bild.
Турин клуби 22 ёшли футболчи учун тахминан 80 миллион евро олмоқчи.
Қайд этилишича, ҳимоячи Мюнхен клубига ўтса, йилига 17-19 миллион евро маош олиши мумкин бўлади.
Де Лигт ўтган мавсумда туринликлар сафида 42 та ўйинда майдонга тушиб, 3 та гол урди ва 1 та голли узатмани амалга оширди. Ҳимоячининг клуб билан шартномаси 2024 йилнинг 30 июнига қадар амал қилади.
