Тошкентда ўтказилган Осиё оғир атлетика федерацияси (AWF)нинг навбатдаги Конгрессида Париж-2024 Олимпиадасига йўлланмалар ўйналадиган 2024 йилги катталар ўртасидаги Осиё чемпионати мезбонлигини Ўзбекистон қўлга киритди.
Хабарингиз бор, шу йилнинг 15-25 июль кунлари Тошкентда оғир атлетика бўйича ўсмирлар ва ёшлар ўртасидаги Осиё чемпионати ўтказилади. Бугун пойтахтимизда ушбу мусобақа доирасида Осиё оғир атлетика федерациясининг навбатдаги Конгресси ўтказилди.
«Ўзбекистон» меҳмонхонасида бўлиб ўтган Конгресснинг иккинчи қисмида Халқаро оғир атлетика федерацияси президенти Муҳаммад Ҳасан Жалуд, Осиё оғир атлетика федерацияси (ООАФ) президенти Ал-Мана Муҳаммад Юсуф, Спортни ривожлантириш вазири ўринбосари, ООАФ вице-президенти Шахрулло Маҳмудов, шунингдек ООАФнинг ижроия қўмитаси аъзолари ва ОАВ вакиллари иштирок этишди.
Конгресс кун тартибидан ўрин олган энг муҳим масалалардан бири – Париж-2024 ёзги Олимпия ўйинларига йўлланмалар тақдим этадиган 2024 йилги қитъа чемпионати мезбони номини қўлга киритиш учун учта давлат – Ҳиндистон, Туркманистон ва Ўзбекистон кураш олиб борди. Овоз бериш жараёни якунларига кўра, ООАФ ижроқўм аъзолари ушбу муҳим мусобақа мезбонлигини юртимизга ишониб топширди. Демак, Париж-2024 Олимпиадаси сари йўл Тошкентдан бошланади, десак муболаға бўлмайди. Айнан шу мусобақа орқали тўрт йилликнинг энг нуфузли мусобақаси - Олимпия ўйинларига йўлланмаларни қўлга киритган барча атлетлари номи аниқлаб олинади.
Бу албатта юксак шараф, шу билан бир қаторда мамлакатимизда муҳтарам Президентимиз бошчилигида жисмоний тарбия ва спортни ривожлантириш борасида амалга оширилаётган улкан ислоҳотларнинг ижобий эътирофидир.
Шунингдек, Конгрессда ООАФнинг ҳисобот-сайлов конференцияси ўтказиладиган манзил номи ҳам эълон қилинди. Унга кўра, Қатарнинг Доҳа шаҳри нуфузли анжуманга мезбонлик қиладиган бўлди.
Маълумот учун: ўсмирлар ва ёшлар ўртасидаги Осиё чемпионати баҳсларида қитъамизнинг 22та давлатидан (ҳакамлар билан қўшиб ҳисоблаганда 31та давлат) 400 нафардан ортиқ спортчи иштирок этади. Мусобақанинг тантанали очилиш маросими эртага, 17 июль куни «Юнусобод» спорт мажмуасида соат 16:00да бўлиб ўтади.
| 13/06 20:00 | Динамо | - | Олимпик |
Оғир атлетика: Париж Олимпиадасига йўл Тошкентдан бошланади
| Баҳо: |
+ | -
|
Рукн: Янгиликлар
Манба: minsport.uz
Киритилди: 20:52, 16.07.2022.
Ўқилди: 1369 марта.
Фикрлар: 0 та.
Ўқилди: 1369 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
Месси Мбаппенинг сўзларига жавоб қайтарди [8618]
Моуриньо "Олтин тўп"ни ким қўлга киритишини айтди [4174]
Мусиала: "Ҳатто Мбаппеси бор "Реал" ҳам енгилади" [3284]
Югурганники эмас, буюрганники! [3148]
Месси фаолиятини қайси клубда якунлашини айтди [3140]
Франция Евродан олдин жиддий йўқотишга учради [2414]
«Барса» катта миқдорда кредит олади [2172]
Sport телеканалида 13-июнь куни 1 та жонли трансляция бор [2089]
Скоулз "МЮ"нинг тен Хагни сақлаб қолиш қарорига муносабат билдирди [1816]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|