"Барселона" ҳимоячиси Серхи Роберто Испания чемпионатининг яқинлашиб келаётган мавсумидан умидлари ҳақида гапирди.
“Биз Европанинг энг яхши таркибларидан бирига эгамиз. Шунинг учун бизда ҳеч қандай баҳона бўлмаслиги керак. Барча унвонлар учун курашамиз. Бу бизнинг мақсадимиз”, - деди Роберто.
Ўтган мавсумда "Барселона" Ла Лигада иккинчи ўринни эгаллади, жамоа бирорта соврин юта олмади.
“Барселона” янги Испания чемпионатидаги илк учрашувини 13 августь, шанба куни “Райо Вальекано”га қарши ўтказади.