"Челси"нинг хўжайинларидан Тодд Боэли янги келган Карни Чуквуэмека ёзда ижарага бермаслигини айтди. Эслатиб ўтамиз, бугун "кўклар" клубга 20 миллион еврога тушган англиялик футболчининг трансферини расман эълон қилди.
"Биз шундай сифатли ўйинчини таркибимизга қўшганимиздан хурсандмиз. Биз уни ижарага бермаймиз", деди Боэли "Челси" сайтида.
Чуквуэмека "Челси"нинг ушбу трансфер ойнасида тўртинчи хариди бўлди. Аввалроқ, клуб “Наполи”дан Калиду Кулибалини, “Манчестер Сити”дан Рахим Стерлинг ва “Чикаго Файр”дан Габриэль Слонинани сотиб олганди.
Трансфер ойнаси охирига қадар "Челси" яна камида учта битим тузишни режалаштирмоқда.