"Манчестер Юнайтед" бош мураббийи Эрик тен Хаг АПЛ мавсуми бошланиши олдидан муаммога дуч келди.
Криштиану Роналду ҳали ўз спорт формасини тикламаган, шу сабабли, чемпионатни асосий марказий ҳужумчи сифатида мавсумолди йиғинларда ўзини яхши кўрсатган Антони Марсьяль бошлаши керак эди. Бироқ франциялик футболчи лазаретга "йўл олди".
The Athletic нашри хабарига кўра, Марсьялнинг сон мушакларида муаммо бор. Футболчининг тикланишининг вақти маълум эмас, аммо Марсьяль кейинги ҳафтада "Брентфорд"га қарши ўйинда майдонга туша олади деган умид бор.
"Манчестер Юнайтед" - "Брайтон" учрашуви 7 август куни бўлиб ўтади.
