"Бавария" бу мавсумда илк бор мағлуб бўлди.
Мураббий Юлиан Нагельсманн жамоаси бугун Германия чемпионатининг 7-турида “Аугсбург”га имкониятни бой берди (0:1).
Бунгача Бундеслигада учта дуранг қайд этилганди – “Штутгарт”, “Унион” ва “Боруссия Гладбах” билан.
Шу билан бирга, шу вақт ичида “Бавария” Чемпионлар лигасида “Интер” (2:0) ва “Барселона”ни (2:0) мағлуб этиб, иккита ғалабага эришганини таъкидлаш жоиз.
Қолаверса, “Бавария” мавсум бошида Германия Суперкубогини қўшиб ҳисоблаганда 4 та ғалабали серияга эга бўлди. Мағлубиятсиз серия эса 10 учрашувдан иборат бўлди.
"Бавария" айни дамда 12 очко билан Бундеслигада 4-ўринда бормоқда.
