"Манчестер Юнайтед"нинг янги футболчиси Антони юлдуз жамоадоши Криштиану Роналду ҳақида ўз фикрлари билан ўртоқлашди.
"Мен у билан бир жамоада ўйнаганимдан хурсандман, бу ҳақда унга айтганман. Биз яхши мулоқот қиламиз. Криштиану менга ишонч бағишлайди. Менда бир-биримизни жуда узоқ вақтдан бери билгандек таассурот қолди.
Роналду ажойиб мартабага эга, у ёшларга ўрнак. Криштиану ҳаётимнинг бир қисмига айланганидан жуда хурсандман. Мен атиги 22 ёшдаман, шунинг учун мен ундан кўп нарсани ўрганишим мумкин", - деб хабар беради ESPN бразилиялик футболчининг сўзларидан.
Англия Премьер-лигасининг жорий мавсумида 37 ёшли португалиялик 6 та ўйин ўтказиб, гол ура олмади.
