Мадриднинг “Реал” клуби ярим ҳимоячиси Тони Кроос кечаги совринлари билан жамоадошларини табриклади. Эслатиб ўтамиз, Карим Бензема "Олтин тўп"ни, Тибо Куртуа эса ўтган мавсумнинг энг яхши дарвозабони сифатида Лев Яшин мукофотини олган эди.
“Табриклаймиз! Бу ақл бовар қилмайдиган йил бўлди. Сиз бунга лойиқсиз”, - деб ёзди Кроос ижтимоий тармоқларида.
Мадриднинг “Реал” клуби жорий мавсум Лигада Каталония “Барселона”сидан 3 очколик фарқ билан пешқадамлик қилмоқда. Ўтган мавсумда жамоа Ла Лига ва Чемпионлар Лигасида ғолиб чиқди. Ҳар икки турнирда ҳам Карим Бензема энг яхши тўпурар бўлди.
