“Манчестер Юнайтед” ҳужумчиси Криштиану Роналду Англия чемпионатининг 12-туридан ўрин олган “Тоттенхэм”га (2:0) қарши ўйин якунидан норози бўлди.
37 ёшли португалиялик жаҳл билан захира ўриндиғини ташлаб, кийим алмаштириш хонасига йўл олди. У Эрик тен Хагнинг сўнгги ўзгаришларидан норози эди.
"Манчестер Юнайтед" бош мураббийи Жэйдон Санчо ва Каземиро ўрнига Этнони Эланга ва Кристиан Эриксенни туширди.
Mirror хабарига кўра, Роналду тен Хаг уни майдонга туширмаганидан норози бўлган. Ўтган мавсумда португалиялик "шпорлар"га қарши ўйинда (3:2) хет-трик қайд этганди.
"Манчестер Юнайтед" ғалаба қозонди ва мағлубиятсиз сериясини АПЛда учта ўйинга етказди. Клуб турнир жадвалида 5-ўринни эгаллаб турибди.
