"Манчестер Сити"нинг собиқ футболчиси Майк Ричардснинг фикрича, "Манчестер Юнайтед" Криштиану Роналдуни қўйиб юбориши керак.
"Жамоаси ғалаба қозонаётган бир пайтда буюк футболчилардан бирининг бу хатти-ҳаракати сизни ўйлантиради. Бу ҳурматсизлик белгисидир. Мавсум бошида тен Хаг у билан мавсум олдидан ва ундан кейин муаммоларга дуч келди. Менимча, битта ечим бор. "Манчестер Юнайтед" январь ойида Роналду билан ҳамма нарсани муҳокама қилиши ва уни қўйиб юбориши керак. У мураббийнинг ишига халақит беради, шунинг учун ҳар ким ўз йўлидан кетса яхши бўларди, деб ўйлайман" - деди "Манчестер Сити"нинг собиқ футболчиси.
