"Манчестер Юнайтед" ҳужумчи Криштиану Роналдуни АПЛ 12-туридан ўрин олган "Тоттенхэм"га (2:0) қарши ўйинда португалияликнинг хатти-ҳаракати учун жаримага тортди, деб хабар беради Manchester Evening News. 37 ёшли футболчи 887 минг евро жаримага тортилди, бу футболчининг икки ҳафталик маоши.

Ёзда “қизил иблислар” Роналдунинг маошини 25 фоизга қисқартиришди. Айни пайтда у ҳафтасига тахминан 443,5 минг евро олади.

Роналду “Манчестер Юнайтед”нинг “шпорлар”га қарши ўйинининг сўнгги ҳуштаги янграши олдидан захира ўриндиғини тарк этди. Ушбу ўйиндан сўнг португалиялик жамоавий машғулотлардан четлаштирилди. Бугун у ёшлар жамоаси машғулотларида якка тартибда ишлади.

22 октябрь куни “Манчестер Юнайтед” АПЛнинг 13-тури доирасида “Челси” билан ўйнайди. Аввал хабар қилинганидек, Роналду ушбу ўйин учун қайдномага киритилмаган.