"Манчестер Юнайтед" бош мураббийи Эрик тен Хаг португалиялик ҳужумчи Криштиану Роналдудан жамоадан кечирим сўрашини талаб қилди, деб хабар берди журналист Фабрицио Романо ўзининг Твиттер саҳифасида.
Манбага кўра, мураббий футболчини асосий жамоа билан ишлашга қайтариш учун шундай талабни илгари сурган. Шунингдек, португалиялик клуб ходимларидан узр сўраши керак. Ҳозирда форвард индивидуал тарзда шуғулланмоқда.
Эслатиб ўтамиз, Роналду Англия чемпионатининг "Тоттенхэм" билан ўйинида (2:0) захирадан майдонга тушишдан бош тортган ва стадионни тарк этганди. Бунинг учун у жаримага тортилди ва "Челси" билан (1:1) ўйин учун қайдномага кирмади.
37 ёшли Роналду жорий мавсум “Манчестер Юнайтед” сафида 12 та ўйинда майдонга тушиб, 2 та гол урди ва битта голли узатмани амалга оширди.
