Испания Ла Лигасининг ўн учинчи туридан ўрин олган ўйинда “Барселона” ўз майдонида “Альмерия”ни қабул қилиб, ўйиннинг иккинчи бўлими бошида рақиб дарвозасига жавобсиз иккита гол урди.

Шу тариқа, ўн уч турдан кейин Каталония гранди ўз дарвозасидан атиги тўртта гол ўтказиб юборди.

Бу ўтган асрнинг 90-йиллари ўрталарида ўрнатилган Испания чемпионати рекордининг такрорланишидир.

1995/1996 йилги мавсумда ўтказиб юборилган тўрт гол Радомир Антич бошчилигидаги "Атлетико Мадрид" жамоасида содир бўлди ва ўша мавсумда "матрасчилар" якунда Испания чемпионлигини қўлга киритган эди.