"Бавария" ярим ҳимоячиси Райан Гравенберх Нидерландия терма жамоаси билан жаҳон чемпионатига бормайди. Бу қарорни “апелсинлар” бош мураббийи Луи Ван Гал қабул қилди, деб ёзади Микки Вервей.
Манбанинг ёзишича, бундай қарорга 20 ёшли футболчи Мюнхен клубида етарлича ўйин амалиётига эга бўлмагани сабаб бўлган. Ёзда нидерландиялик ярим ҳимоячи "Аякс"дан "Бавария"га ўтди
Гравенберх жорий мавсумда 16 та ўйинда майдонга тушиб, 1 та гол урди ва 1 та голли узатмани амалга оширди.
ЖЧ-2022 Қатарда 20 ноябрдан 18 декабрга қадар бўлиб ўтади.
