"Челси" ярим ҳимоячиси Мэйсон Маунт Лондон клубини тарк этиши мумкин, деб хабар беради The Guardian. Ярим ҳимоячи хизматларига "Ливерпуль" ва "Ювентус" клублари қизиқиш билдирмоқда.
Футболчининг "Челси" билан шартномаси тугашига қарийб 18 ой қолган бўлса-да, шартномани узайтириш бўйича музокараларда ҳали олдинга силжиш бўлмади. "Ливерпуль" ва "Ювентус" вазиятни кузатиб, футболчини қандай қилиб қўлга киритиш ҳақида ўйлашмоқда.
23 ёшли англиялик футболчи ёздан бери "кўклар" раҳбарлари билан музокаралар олиб бормоқда, бироқ ҳали янги шартнома борасида келишиб олинмаган. Январь ойида яна бир учрашув бўлиб ўтиши кутилмоқда, у ҳал қилувчи бўлиши мумкин.
Маунт "Челси" тарбияланувчиси бўлиб, 2022/23 йилги мавсумда жамоа сафида барча мусобақаларда 21 та ўйинда майдонга тушиб, 2 та гол урди ва 6 та голли узатмани амалга оширди. Transfermarkt порталига кўра футболчининг нархи 75 миллион еврога баҳоланмоқда.
