Винисиус Жуниор ўзига қилинаётган қўполликлар ҳақида фикр билдирди.
Бразилиялик футболчи Европанинг топ-5 лигасида энг кўп қоида бузарликка учрайдиган футболчи ҳисобланади.
"Майдонда содир бўлаётган нарса майдонда қолади, аммо бу жуда узоққа чўзилди. Сиз кучли бўлишингиз мумкин, лекин рақиблар яккакурашларда қўполлик қилишади. Родриго ва мен сўнгги ўйинларда жуда кўп азоб чекдик ва энг ёмони – жароҳат олиш ва жаҳон чемпионатини ўтказиб юборишдан қўрқдик.
Муҳим ўйинчи бўлишни бошлаганингизда, рақиблар сизга қарши кўпроқ ўйнашни бошлайдилар. Сиз у билан курашишни ўрганишингиз керак. Неймар "Барселона"да ўйнаганида мен ундан кўп нарсани ўргандим, у ҳам кўп азоб чекди. Криштиану Роналду ҳам "Реал"да ўйнаганида жуда кўп азоб чекди.
Аммо Карим Бензема менга хотиржам бўлишни айтди, чунки рақиблар сизнинг орқангиздан бўлса, демак, сиз муҳимсиз, улар сиздан қўрқишади.
Шу боис тўпни олиб, олдинга ўтсам, буни ўч олиш иштиёқи билан қиламан. Ҳа, жароҳат олишим мумкин. Лекин мен бу синовга тайёрман” - деди “Реал” ва Бразилия терма жамоаси форварди.
