«Ливерпуль» «Фиорентина» ярим ҳимоячиси Софьян Амрабатни қўлга киритиш устида ишламоқда. Николо Скиранинг хабар беришича, мерсисайдликлар «бинафшалар» учун биринчи таклифни тайёрламоқда.
Амрабат қишки трансфер ойнасида ярим ҳимояни кучайтириш учун «Ливерпул»нинг биринчи танловидир. Клубда Софьяннинг Қатардаги жаҳон чемпионатида Марокаш терма жамоаси сафидаги ўйинлари катта таассурот қолдирди.
Жорий мавсумда Амрабат А Серияда 13 та ўйин ўтказди ва бирорта ҳам гол ура олмади. Аввалроқ, футболчига «Тоттенхэм» ва «Интер» ҳам қизиқиш билдираётгани ҳақида хабарлар тарқалган эди.
