«Валенсия» ярим ҳимоячиси Юнус Муса фаолиятини Европанинг топ клубларидан бирида давом эттириши мумкин.

Goal.com портали журналистларига маълум бўлишича, 20 ёшли америкалик футболчининг хизматларига «Интер», Лондоннинг «Арсенал» ва «Ливерпуль» клублари қизиқиш билдирмоқда.

Юнус кўршапалаклар сафига 2020 йил август ойида қўшилган эди. У билан 2026 йилнинг ўрталаригача ҳисобланган меҳнат шартномаси тузилган. Футболчининг ҳозирги трансфер нархи 20 миллион еврога баҳоланмоқда.

Америкалик футболчи жорий мавсум «Валенсия» сафида 16 та ўйинда майдонга тушиб, 2 та голли узатмани амалга оширган.