Аргентина ва Нидерландия ўйинида Месси майдондан четлатилиши керак эди.
Бу фикрни Криштиану Роналду билан резонансли интервью олган журналист Пирс Морган билдирди.
Аргентиналиклар ЖЧ-2022 1/4 финалида Нидерландия термасини мағлуб этишди (2:2, пенальтилар сериясида - 4:3) ва энди Хорватия терма жамоасига қарши майдонга тушади.
«Месси майдонга қайтиб тушмаслиги керак эди. Иккинчи сариқ карточка орқали у майдонни тарк этиши шарт эди», - деб ёзди Морган твиттердаги саҳифасида.
Эслатиб ўтамиз, ҳакам Антонио Матеу Лаос Мессига сариқ карточка кўрсатди. Яна бир вазиятда у ҳужумчини атайлаб қўл билан ўйнагани учун жазоламаганди.